■"တခါလွဲရင် ဘယ်လောက် ကြာလဲ? ကဗျာဆရာ အောင်ချိမ့်ရဲ့ မေးခွန်းက သက်သက်...။ "ဒီနွေဦးမှာ ခင်ဗျား ဘာလုပ် သလဲ? ကျွန်တော့် မေးခွန်းက သက်သက်..။ ■ငါး တစ်ကောင်ကို သုည နဲ့ ပေါင်းကြည့် ငါး တစ်ကောင် ရတဲ့ သီအိုရီ ကို နားလည်ရဲ့ လား?မေးခွန်းက သက်သက်... ကျွန်တော် ရေးတဲ့ စာတွေကို ဖတ်ကော ဖတ်တတ်ရဲ့လား မေးခွန်းက သက်သက်...၊ ■ခွေးဖင် က နတ်စကားထွက် လို့ ရှင့် ပါးစပ်က လူ စကား ထွက်ပေးရတာက သက်သက်.. လူရာဝင်အောင်၊လူလို သူလို ပြောတတ်အောင် န-အက္ခရာ င-အက္ခရာ တ-အက္ခရာ သင်ပုန်းကြီးစာ ပြန်သင်ပေးမယ်၊ ကျောက်သင်ပုန်းနဲ့ ကျောက်တံ ယူခဲ့...။ က-အက္ခရာ ည-အက္ခရာ ပ-အက္ခရာ စ-အက္ခရာ မ-အက္ခရာ တွေနဲ့ စီထားတဲ့ ရိုးသားမှုကိုပါ အပို ထည့်၍ သင် ပေးချင်တာက သက်သက်...။ ၂၆၊၃၊၂၀၂၃